-الكاتبة عفاف الذيبي-
قطر البدرشين
قطر البدرشين
************
يا قطر البدرشين
على فين رايحين
لأخر المشوار ونهايتنا
يا قطر البدرشين خليك هادى
الموت علينا حق فدا بلادى
لا تخافى يا دموعى لا تخافى
حزن العمر كبير لا تخافى
اللى مات دا شهيد
ظلمته الحياة والموت أكيد
لحم الشهيد غطى القضيب
لا تخافى
دم الشهيد لون الارض
لا تخافى
يا أه دوى بصوت عالى
الظلم جوه النفس بيعانى
ودم شبابنا فوق كتافنا بينادى
فين كرامتنا ؟
فين أدميتنا ؟
يا شعب مصر لملم بقايانا
قطع لحمنا فوق السكك
تاهت
واختفت معالمنا
فين كرامتنا ؟
فين حرمتنا ؟
على الارض تاهت بقاينا
إختلط لحمنا بالارض
وحكومتنا نسيانا
يا أه مش قادر اصرخ
صعبان على نفسى
اخويا يموت بلا سبب
وحكومتنا عميانه
يا رئيس جمهوريتنا
يلى دقت المر وناديت بحريتنا
فين أدميتنا ؟
لسه عايشين عصر العبيد
لسه حرمتنا متهانه
دمانا روت الارض بزياده
كل يوم كوارث ملاحقانا
مين مسؤول ؟
بقايا الفلول ؟
ولا.........
لعنه النهضه ملاحقانا
احكم يا شعب كفانا سكوت
صوت الظلم عالى
والجرح جوانا كبر
عصر مبارك ولى
والكوارث ملاحقانا
حكومتنا عميانا
نهضتنا خنقانا
أحلامنا ضاعت وتاهت خطايانا
مكتوب علينا الحزن
وحقوقنا نسيانا
ليست هناك تعليقات:
إرسال تعليق