بعشق ترابك
*************
بسأل عليكِ يا بلادى
وأحن لترابك النادى
بعشق هواكِ العليل
أدوب فى قربك
انادى بعدك
عودى
يا نجمه فى السما
ساكنه الفؤاد
ساكته ليه ؟
يا قمر الحياة
نور بنورك قلبى
قلبى شايلك جواه
حاضنك
خايف عليكِ
من لمسه أيادى
تتمنى ثوبك يذوب
تتمنى دمك يسيل
يروى الصحارى
يروى الدروب
رافضه تعودى
لحضن الليل
يسهر معاكِ
يناجيكِ
ينادى عليكِ
يا بلادى
بصوت مخنوق
خايف تذبل فرحتى
خايف من الفوضى
خايف عليكِ
خايف يتوه الأمان
ويضيع الحلم من تانى
يا بلادى ساكته ليه
توبك بيتقطع
ترابك معجون بدم أولادك
هانت عليكِ نفسك
وهنتى على أولادك
يا مصر بحبك
انتِ نور عينى
خلى الايادى بعيده
عن أرضك الطاهره
عن شرفك الغالى
يا نيل مصر
إروى بلادى
طهر قلوب العباد
ازرع للأمل حياه
جوه القلوب من تانى
بكتب كلامى الحزين
ردى يا بلادى
على فين وخدانى
ليست هناك تعليقات:
إرسال تعليق